كرم الضيافة
الضيف
السلام عليكم يا عم كرم
عم كرم
وعليكم السلام
حمد الله على السلامة يا حاج بركة
و تاعب نفسك ليه مكانش فى داعى
(( دى سحلية دى يا خوية و لا ايه ...!؟ ))
الضيف
ما يجيش من خيرك يا عم كرم دى حاجة بسيطة
عم كرم
اقعد اتغدى معانا
الضيف
لا اعذرنى مرة تانية يا عم كرم
عم كرم
حلفت عليك مايصحش لازم تتغدى معانا
خير ربنا موجود و مش حنجيب حاجة من برة
الضيف
لو ماكنتش بس تحلف يا عم كرم
عم كرم
قولى يا حاج بركة تحب تاكل ايه فى يا خوية
طيور بكل انواعها اشى فراخ على اشى بط عى حمام
و سمك بكل انواعه اشى مرجان على بربون
على بورى على بلطى كل اللى قلبك يحبه
و لا ندبحلك حولى كدة يا خوية
لحمته متكلفة تاكل صوابعك وراه
أءمر ياحبيبى ده انهاردة يوم السعد علينا
الضيف
خلاص يا عم كرم ناكل فراخ
عم كرم
يا لهوى يا لهوى
انت مش بتابع الاخبار يا خوية ولا ايه
الضيف
خير يا عم كرم فى ايه
عم كرم
فراخ ! هو يا خوية مسمعتش عن انفوانزا الطيور , ولا ايه
ده من ساعة ظهور المرض ده
و احنا بنخاف ننتش ريشة فرخة
الضيف
خلاص يا عم كرم خليها سمك
عم كرم
يا لهوى يا خوية سمك
انت مش خايف على صحتك يا حاج بركة
ده السمك الايام دى كله مضروب و شارب ماية فيها صرف المصانع و المجارى
اسكت اسكت يا حاج بركة
الضيف
خلاص ياحاج كرم خلينا فى الحولى
اكيد ده مضمون طبعا
عم كرم
انت اكيد ياحاج بركة بعيد عن الدنيا خالص
انت مش خايف على روحك كدة ليه ياخوية
دى اللحوم كلها كرسترور , و بتجيب تصلب الشرايين و الضغط و السكتة القلبية
سيبنى بأة أأكلك أكلة على زوقى تحلف
بيها العمر كله
الضيف
اللى انت شايفو يا عم كرم
عم كرم
يا ام كريم يا ام كريم
ام كريم
ايوة يا سى كرم تحت امرك يا خوية
عم كرم
بصى يا ام كريم انتى عارفة الحاج بركة
يعز علية اد ايه ولازم نعمل معاه واجب الضيافة
قدرة الفول بتاعة الشهر اللى فات فاضل فيها حاجة
ام كريم
فاضل فيها يا خوية قول كبشة ولا كبشتين
عم كرم
كفاية كبشة واحدة و فحل بصل حلو كدة
و رغيف ناشف من الخبزة بتاعة الاسبوع اللفات يلا و متعوأيش علينا
الحاج بركة
ليه التعب ده يا عم كرم
عم كرم
اهييييييييييه احنا عندنا اعز منك يلا سمى و كل
الحاج بركة
الحاج بركة لسة بيسمى و قطع لقمة وجاى يمد ايده
عم كرم
اهييييييييييييه يا حاج بركة ده كلام دى اكلتك دى برده هو احنا بوخلة ولا ايه
يا ام كريم تعالى شيلى
عم كرم
تحب تحبس بأيه يا حاج بركة نجيبلك شاى
ولا ....
الحاج بركة
ماتكملش يا عم كرم
انا مش عايز احبس بحاجة
مش عايز طعم الاكل الحلو ده يروح من لسانى
الخميس أبريل 18, 2013 3:08 am من طرف shery adel
موضوع: كرم الضيافه 
